नेपाली बजारमा आज सुनको मूल्य ९७ हजार नाघेको छ । अघिल्लो दिनको तुलनामा तोलामा ८०० रुपैयाँले वृद्धि भएको हो ।

नेपाल सुनचाँदी व्यवसायी महासंघका अनुसार बिहीबारको लागि छापावाला सुनको मूल्य तोलाको ९७ हजार ३०० कायम भएको छ । बुधबार यो मूल्य ९६ हजार ५०० थियो ।

त्यस्‍तै तेजावी सुनको मूल्य ९६ हजार ८०० कायम गरिएको छ । बुधबार तेजावी सुनको भाउ ९६ हजार निर्धारण भएको थियो ।

सुनको मूल्य बढ्दा चाँदीको मूल्य पनि बढेको छ । अघिल्लो दिनको तुलनामा चाँदीको मूल्य तोलामा २० रुपैयाँ बढेर तोलाको २१ सय ८५ मा कारोबार भैरहेको महासंघले जनाएको छ ।