सुनसरीको धरान उपमहानगरपालिकामा निर्वाचन अधिकृतको हस्ताक्षरबिनाको मतपत्र फेला परेपछि तनावको अवस्था सिर्जना भएको छ।

धरान–२० को मतपेटिकामा अधिकृतको हस्ताक्षरबिनाको ११ वटा मतपत्र फेला परेपछि स्थानीय आन्दोलित बनेका हुन्।

आन्दोलनमा उत्रिएका स्थानीयले मतगणनास्थलमा तोडफोडको प्रयाससमेत गरेका छन्।

तोडफोडको अवस्था आउन थालेपछि ठुलो संख्यामा सुरक्षाकर्मी परिचालन गरिएको छ।

आन्दोलित स्थानीयले गणना स्थगित गर्दै छानबिन गरेर दोषीलाई कारबाहीको माग गरिरहेका छन्।