काठमाडौं महानगरपालिकाको मेयर पदका स्वतन्त्र उम्मेदवार बालेन भनिने बालेन्द्र साहको मत तिब्र गतिमा अगाडि बढिरहेको छ ।
सोमबार बेलुकासम्मको मत परिणाम अनुसार उनी नेकपा एमालेका केशव स्थापित भन्दा तीन हजार ९४८ मतले अगाडि छन् ।
साहले ८४२० मत प्राप्त गर्दा स्थापितले ४४३६ मत पाएका छन् । सत्ता गठबन्धनतर्फ नेपाली कांग्रेसकी उम्मेदवार सिर्जना सिंहको मत ३८८१ पुगेको छ ।
स्थापित र सिंहको मतान्तर खासै धेरै नभए पनि साह भने निकै अगाडि पुगिसकेका छन् ।
वडा नम्बर १ र २ को मतगणना सकिएर अहिले वडा नम्बर ३,४,५,६, ३२ र ३२ को गणना राष्ट्रियसभागृहमा जारी छ ।