नेपालका लागि पूर्व भारतीय राजदूत विनयम मोहन क्वात्राले सोमबार (आज) विदेश सचिवको पदभार ग्रहण गरेका छन् ।
भारत सरकारले भारतीय विदेश सेवा (आईएफएस) अधिकृत विनय मोहन क्वात्रालाई ३४ औं विदेश सचिवमा नियुक्त गरेपछि आफ्नो कार्यकाल अवधि पुरा नहुँदै स्वदेश फर्किएका थिए ।
क्वात्रा मार्च २०२० मा नेपाल राजदुत बनेका थिए । त्यसअघि २०१७ देखि २०२० सम्म फ्रान्सको राजदुत रहेका थिए ।
Shri Vinay Kwatra assumed charge as Foreign Secretary today morning. #TeamMEA wishes Foreign Secretary Kwatra a productive and successful tenure ahead. pic.twitter.com/fiNvBwIpNg
— Arindam Bagchi (@MEAIndia) May 1, 2022
उनीसँग वैदेशिक सेवामा ३२ वर्षभन्दा बढीको अनुभव छ । राष्ट्रसंघका लागि जेनेभा र न्युयोर्क दुवै स्थान, चीन र अमेरिकामा काम गरिसकेका उनी अनुभवी कूटनीतिज्ञको रूपमा चिनिन्छन्।
क्वात्राको स्थानमा चिनियाँ विज्ञ नवीन श्रीवास्तवलाई नेपालका लागि भारतको नयाँ राजदूत नियुक्त गर्ने तयारी गरेको बुझिएको छ । ।