नेकपा एमालेमा अभिनेत्री करिश्मा मानन्धरलाई भित्र्याएकोमा केन्द्रीय सदस्य उषा किरण तिम्सिना रुष्ट बनेकी छिन् ।

काठमाडौँमा आयोजना भएको पार्टी प्रवेश कार्यक्रममा अध्यक्ष केपी ओली, महासचिव शङ्कर पोखरेलले अभिनेत्री करिश्मालाई एमालेमा स्वागत गरेर भित्र्याए पछि सामाजिक सञ्जाल मार्फत उनले आक्रोश पोखेकी हुन् ।

करिश्मा मानन्धरले पछ्याएको बाटो एमालेमा अष्टलक्ष्मी शाक्य, रामकुमारी झाँक्री र उषा किरण तिम्सिनाको जस्तो नभएर कोमल ओलीको जस्तो भएको उनको बुझाइ छ ।

उनले लेखेकी छिन्, ‘गैर- राजनीतिक पृष्ठभूमिका मान्छेहरूलाई स्वागत गरिनु र राजनीतिक मान्छेहरूलाई कत्लेआम गरिनु हिजो, आज र भोलि पनि गलत हो ।’