काठमाडौं उपत्यका भित्र ४७ हजार भन्दा बढी व्यक्तिहरू कोरोना भाइरसको सङ्क्रमणमा परेका छन् ।
स्वास्थ्य तथा जनसंख्या मन्त्रालयले शनिबार सार्वजनिक गरेको विवरण अनुसार उपत्यकाका तीन जिल्लामा ४७ हजार २४ जना व्यक्तिहरू कोरोना भाइरसबाट ग्रस्त भएका छन् ।
कोरोना भाइरसको शंका लागेर परीक्षण गराएकाहरूको तथ्याङ्क हो । कोरोना परीक्षण शुल्क महंगो भएकाले एकजनाले परीक्षण गराएपछि उसँग सम्पर्कमा भएका पारिवारिक सदस्यदेखि नजिकैका साथिभाइहरूमा लक्षण देखिए पनि परीक्षण गराउँदैनन् । त्यसैले माथिको तथ्याङ्क भन्दा बास्तविक सङ्क्रमितको सङ्ख्या बढी छ ।
कोरोनाको परीक्षण शुल्क सरकारीमा १ हजारबाट घटेर ८०० र नीजिमा २ हजारबाट घटेर १ हजार ५०० कायम भएको छ । परीक्षण रु २०० मा झार्ने हो भने नेपालमा दैनिक ठुलो सङ्ख्यामा कोरोना सङ्क्रमण भएको पुष्टि हुन्छ ।
अहिले काठमाडौंमा ३४ हजार १५९ जना, भक्तपुरमा ४ हजार ६४५ जना र ललितपुरमा ८ हजार २२० जना सक्रिय सङ्क्रमित रहेका छन् । तीमध्ये ठूलो हिस्सा होम आइसोलेसनमा रहेका छन् ।
नेपालमा कोरोना भाइरसको सङ्क्रमण देखिएयता अहिलेसम्म काठमाडौंमा २ हजार २५०, भक्तपुरमा ४४० र ललितपुरमा ७१३ जना गरी कूल ३ हजार ४०३ जनाले ज्यान गुमाइसकेका छन् ।