संस्कृति, पर्यटन तथा नागरिक उड्डयन मन्त्री प्रेमबहादुर आलेलाई कोरोना सङ्क्रमण भएको छ। सोमबार बिहान आएको रिपोर्टमा उनमा कोरोना पोजेटिभ देखिएको आलेको सचिवालयले जनाएको छ ।
मन्त्री आलेलाई कोरोना सङ्क्रमण देखिएसँगै पशुपति क्षेत्र विकास कोषअन्तर्गत बतास समूहले होटेल सञ्चालन गरेको धर्मशालाको छानबिन प्रतिवेदन बुझ्ने कार्यक्रमसमेत स्थगित भएको छ ।
मन्त्री आलेसँगै उनका स्वकीय सचिव हेमन्त रेग्मीलाई पनि सङ्क्रमण पुष्टि भएको छ। आफूहरूको सम्पर्कमा आएका सबै जनालाई सतर्कता अपनाउनसमेत मन्त्री आलेको सचिवालयले आग्रह गरेको छ।
पछिल्ला दिनहरूमा मन्त्री आले अवलोकन र निरीक्षणमा निस्केका थिए । आइतबार बतास समूहले लिजमा लिएर सञ्चालन गरेको पशुपति धर्मशालामा निरीक्षण गर्दा गर्न पुगेका मन्त्री आलेको साथमा उल्लेख्य मात्रामा सञ्चारकर्मीहरूको भिड लागेको थियो । फेसबुकमा लाइभ गर्ने र तस्बिर र भिडिओ खिच्ने होडबाजीमा जनस्वास्वास्थ्यको कुनै पनि मापदण्ड पुरा नभएको सार्वजनिक भएका भिडिओमा देखिन्छ ।
