नेपाल र भारतका परराष्ट्रमन्त्रीबीच टेलिफोन वार्ता भएको छ । त्यसक्रममा उनीहरुबीच दुई देशबीचको सहकार्यलाई थप प्रभावकारी बनाउने सहमति भएको छ ।
बिहीबार नेपालका परराष्ट्रमन्त्री नारायण खड्का र भारतका विदेशमन्त्री एस जयशंकरबीच टेलिफोनमा कुराकानी भएको हो ।
भारतीय विदेश मन्त्री जयशंकरले टेलिफोन सम्पर्कमा विकासका कार्यक्रम र कोभिड–१९ विरूद्ध नेपाल र भारतको सहकार्यका विषयमा कुराकानी भएको ट्वीटमा उल्लेख गरेका छन् ।
प्रधानमन्त्री शेरबहादुर देउवा सहभागी हुन भारत जाने भनेको भाइब्रेन्ट गुजरात समिट स्थगित भएको दिन विदेशमन्त्री जयशंकरले परराष्ट्र मन्त्री खड्कासँग कुरा गरेका हुन् ।
अहिले प्रधानमन्त्री पत्नी आरजु राणा भारतमा छिन् । परराष्ट्रमन्त्रीले गर्नुपर्नेमा काममा राणानै अग्रसर भएपछि उनको तिब्र आलोचना भएको छ । सरकारी सम्पत्तिमा व्यापार गरिरहेको आरोप लागेको बतास फाउन्डेसनमा पनि उनको नाम भएपछि राणाको थप आलोचना भएको हो ।
