विश्व टेनिस एसोसियसन (डब्लूटीए) ले चीनमा कुनै पनि टेनिस टुर्नामेन्छ नगर्ने घोषणा गरेको छ। चिनियाँ कम्युनिस्ट पार्टीका नेताले टेनिस खेलाी पेङ शुआईमाथि बलात्कार गरेको र नेताले आफूमाथि बलात्कार गरेको भनेपछि उनलाई नै बेपत्ता पारिएपछि डब्लूटीए आक्रोशित बनेको हो।
डब्लूटीएका अध्यक्ष स्टिभ सिमोनले एक विज्ञप्ति जारी गर्दै भनेका छन्, डब्लूटीए बोर्ड डाइरेक्टरको पूर्ण समर्थन रहेको जानकारी गराउँदै टेनिस खेलाडी पेङ शुआईलाई आफूमाथि भएको अन्यायको बारेमा स्वतन्त्ररुपमा भन्न र न्यायको माग गर्न पनि नदिने चिनियाँ सत्तालाई दबाब दिनका लागि सन् २०२२ मा चीनमा कुनै पनि टेनिस टुर्नामेन्ट नगर्ने घोषणा गरिएको छ।
अन्य टेनिस खेलाडीहरुलाईसमेत जोखिम हुनसक्ने भन्दै कुनै पनि टेनिस टुर्नामेन्ट नगर्ने घोषणा गरिएको हो। यस कदमले खेलकुद संघहरूले कसरी चीनसँग व्यवहार गरेको छ भन्ने कुरामा एउटा उदाहरण बन्नेसमेत जनाइएको छ। विगतमा, खेलकुद संगठनहरूले आफ्नो विशाल बजार गुमाउने डरले बेइजिङको विरोध नगर्ने गरेको थिए। तर, पछिल्लो समय खेलाडीमाथिको दुव्र्यवहारको बारेमा बोल्नमा समेत प्रतिबन्ध लगाउने र खेलाडीलाई नै बेपत्ता पार्ने चिनियाँ व्यवहारलाई चुनौती दिइएको छ।
पेङको सुरक्षाका लागि अभियान चलाउँदै आएका विश्व टेनिस खेलाडीहरूले यो कदमको स्वागत गरेका छन्। डब्लूटीएका प्रमुख स्टीभ साइमनले चीन र विश्वभर मानवअधिकारको रक्षा गर्न लिइएका अडानहरुमो स्वागत गरिएको छ।
नोभाक जोकोभिक, विश्व नम्बर १ र प्रोफेशनल टेनिस प्लेयर्स एसोसिएसनका सहसंस्थापक हुन्। यनले डब्लूटीएको अडानलाई पूर्ण रूपमा समर्थन गरेका छन्, र प्रोफेसनल टेनिस प्लेयर्स एसोसिएसन र टेनिस प्रोफेशनलहरूको संघलगायत सबैले चीनलाई कुनै पनि टेनिस प्रतियोगितामा सहभागी नगराउनेसमेत घोषणा गरेका छन्।
चीनको बेइजिङमा हुने सन् २०२२ को विन्टर ओलम्पिक पनि अमेरिका, बेलायत, क्यानडालगायतका मुलुकहरुले कूटनीतिक बहिष्कार गरेका छन्। उनीहरुले चीनले मानवअधिकारको चरम उल्लंघन गरेको भन्दै विन्टर ओलम्पिकको कूटनीतिक बहिष्कार गरेका हुन्।
