अमेरिकास्थित एक अधिकारवादी समूहले चिनियाँ टेबल टेनिस स्टार पेङ शुआइ सुरक्षित रहेको दाबी गर्ने चिनियाँ सञ्चारमाध्यमको रिपोर्टमाथि आशंका व्यक्त गरेको छ।
पेङले सत्तारुढ चिनियाँ कम्युनिष्ट पार्टी (सीसीपी) नेतालाई यौन सम्बन्धका लागि दबाब दिएको आरोप लगाएपछि उनी बेपत्ता पारिएकी रेडियो फ्री एशियाले रिपोर्ट गरेको छ।
उनले यी दाबीहरू नोभेम्बर २ मा एक सामाजिक सञ्जालमार्फत व्यक्त गरेकी थिइन्। चिनियाँ महिलावादी अभियानकर्ताहरू र अन्तर्राष्ट्रिय खेल संघहरूले चिनियाँ नेताहरुको विरोध गरेको थिए। विरोधलगत्तै पेङलाई बेपत्ता पाररिएपछि उनको अवस्थाबारे जानकारी गराउन सरकार र पार्टीलाई दबाबा दिन थालिएको छ।
उनको दाबी पछि पेङको गलत इमेल सिर्जना गरेर नोभेम्बर १७ मा चिनियाँ मुखपत्र सीजीटीएनले पेङको आरोप सत्य नभएको समाचार प्रकाशन गरेको थियो। उक्त इमेलमा भनिएको थियो, म हराएको छैन, न म असुरक्षित छु, म घरमा आराम गरिरहेको छु र सबै ठीक छ।
अमेरिकामा आधारित चाइनिज ह्युमन राइट्स डिफेन्डर्स सञ्जालले चीनमा अधिकारवादी संस्थाहरूबाट रिपोर्टहरू संकलन गरेपछि चिनियाँ सञ्चारमाध्यमहरुको दाबी गलत भएको बताएको हो।
चिनियाँ सरकारले विवादास्पद मुद्दामा संलग्न व्यक्तिहरूलाई स्वेच्छाचारी रूपमा हिरासतमा राख्ने, उनीहरूलाई स्वतन्त्र रूपमा बोल्ने क्षमतालाई नियन्त्रण गर्ने र उनीहरूलाई जबरजस्ती बयान दिन लगाउने गरेको लामो इतिहास भएकोले उनको सुरक्षा अहिले महत्वपूर्ण विषय भएको अधिकारकर्मीहरुले बताएका छन्।
पेङ शुआइ स्वतन्त्र नभएसम्म उनलाई हिरासतमा राखिएको छैन भन्ने कुरालाई पत्याउन नसकिनेसमेत बताइएको छ। यसैबीच, नीले डब्लुटीए, टेनिस प्रोफेशनलहरूको संघ (एटीपी) र नाओमी ओसाका र क्रिस एभर्ट लगायत अन्य टेनिस स्टारहरूलाई पेङको सुरक्षित रिहाइको विषयमा आवाज उठाउन पनि आग्रह गरिएका छ।