माओवादी केन्द्र प्रदेश १ संसदीय दलका नेता ईन्द्र आङ्बोले मुख्यमन्त्री भीम आर्चायमा नैतिकताको अभाव भएको बताएका छन् । आइतबार प्रदेशसभा बैठकका क्रममा बोल्ने आङ्बोले मुख्यमन्त्रीले संविधान अटेर गरेको बताउँदै उनमा नैतिकता नभएको बताएका हुन् ।
प्रदेश २ का मुख्यमन्त्री लालबाबु राउतले विश्वासको मत लिइसकेको र बागमती प्रदेशकी मुख्यमन्त्री अष्टलक्ष्मी शाक्य लिने प्रक्रियामा रहेको उल्लेख गर्दै उनले प्रदेश १ का मुख्यमन्त्रीमा भने नैतिकता नभएको बताए ।
‘माननीय मुख्यमन्त्रीमा नैतिकता रहेनछ भन्ने लाग्यो’, उनले भने, ‘अरू प्रदेशका मुख्यमन्त्रीले विश्वासको मत लिइरहँदा उहाँ भाग्न खोज्दै हुनुहुन्छ । यसैले मलाई लाग्छ उहाँभन्दा टाढा छ नैतिकता । मुख्यमन्त्री आचार्यका लागि नैतिकता कुन चरीको नाम ?’
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
