फिलिपिन्सका विपक्षी सांसद्हरुले दक्षिण चीन सागरमा बृइजिंगले गरेको “घिनलाग्दो आधिपत्य” विरुद्धको प्रस्तावमा हस्ताक्षर गरेका छन् । मनिलाको विशेष आर्थिक क्षेत्रमा चिनियाँ जहाजहरूको गैरकानुनी उपस्थितिलाई औंल्याउँदै चीनले विस्तावरवादलाई अझै पनि नरोकेको उनीहरुको आरोप रहेको छ ।
फिलिपिन्कासका राष्ट्रपति रोड्रिगो डुट्रेटका कट्टर आलोचका रहेका ११ विपक्षी सांसद्हरुले विवादित क्षेत्रमा चिनियाँ जहाजहरु प्रवेश गर्नु गैरकानुनी भएको उल्लेख गर्दै दक्षिण चीन सागरमा भइरहेको हस्तक्षेपविरुद्ध हस्ताक्षर गरेका हुन् । यही महिना फिलिपिन्सको विदेश मन्त्रालयले चीनलाई दक्षिण चीन सागर र विवादित क्षेत्रमाथिको चिनियाँ हस्तक्षेपविरुद्ध कूटनीतिक विरोध नोट जारी गरेको थियो ।
“क्षेत्रीय र विश्वशक्तिको रूपमा चीनको बढ्दो प्रभुत्वलाई अस्वीकार गर्न नसकिने भए पनि समुद्री कानून सम्बन्धी संयुक्त राष्ट्रसंघको महासन्धिको खुला र गम्भीर अवहेलना भएको र चीनले अवैधानिक काम गरेको छ । चीनले यस क्षेत्रमा आफ्नो प्रभाव विस्तार गर्ने काम गरिरहेको छ । फिलिपिन्स जस्ता साना राष्ट्रहरूको कानुनी मान्यता प्राप्त समुद्री हकदार पक्षहरूको कडा प्रतिरोध र निन्दा गर्नैपर्दछ,” सांसद्हरुले भनेका छन ।
निकट कूटनीतिक सम्बन्ध र मनिलाको बेइजिंग एक महत्वपूर्ण आर्थिक सहयोगी भएकै कारण चीनले फिलिपिन्समाथि दबाब सिर्जना गर्दै हाइरहेको छ । तर, फिलिपिन्सले भने चीनको दबाबको विरोध गर्दै राष्ट्रिय स्वाभिमान जोगाउन मुलुक सक्षम भएको फिलिपिन्सका सांसदहरुले चेतावनी दिएका छन् ।
यसअघि चीन आफैंले विवादित क्षेत्रहरुमा सेना नपठाउने जनाएको थियो । तर, आफ्नै प्रतिबद्धता उल्लंघन गर्दै चीनले विवादित सीमा क्षेत्रमा सेनाहरु परिचालन गरेको छ । यससँगै चीनले मनिलाको विशेष आर्थिक क्षेत्र (ईईजेड) बाट जहाजहरू फिर्ता लिन अस्वीकार गरेको बेलामा मौन रहेको आरोप लगाइएको छ ।
चीनले लगभग सम्पूर्ण दक्षिण चीन सागरमा सार्वभौमिकता दाबी गरेको छ र ब्रुनेई, मलेसिया, फिलिपिन्स, भियतनाम र ताइवानसँग क्षेत्रीय दावी प्रस्तुत गर्दै विवादको सिर्जनासमेत गरेको छ । यसविरुद्ध लड्न अमेरिका, जापान, भारतलगायतका मुलुकहरुले साझा रणनीति बनाएर अघि बढ्नुपर्नेमा जोड दिएका छन् ।
