विराटनगर, २६ वैशाख । दोस्रो लरहको कोरोना भाइरस महामारीका कारण जनप्रतिनिधिले आफूले प्रयोग गर्दै आइरहेको गाडीलाई एम्बुलेन्सका रूपमा प्रयोग गर्न दिन थालेका छन् । शुक्रबार मात्र विराटनगर महानगरपालिकाका प्रमुख भीम पराजुलीले आफूले प्रयोग गर्दै आएको को१झ ४९४ नम्बरको टोयटा फर्च्युनर गाडीलाई जनसेवामा समर्पित गरेका थिए ।
यस्तैमा मोरङको मिक्लाजुङ गाउँपालिकाका प्रमुख देवीप्रसाद आचार्य र उपप्रमुख सरला राईले आफूले प्रयोग गरिरहेको सरकारी गाडीहरूलाई एम्बुलेन्सका रूपमा प्रयोग गर्न दिएका छन् । महामारीको विपदको समयमा नगरबासी र स्वास्थकर्मीहरूको सहजताका लागि गाडी नगर स्वास्थ्यलाई जिम्मा लगाएको मेयर आचार्यले बताएका छन् ।
यस्तै उनले चिकित्सकीय परामर्श सेवालाई प्रभावकारी बनाउन एम्बुलेन्स सेवा, स्वास्थ्य सामग्री ओसारपसारलगायत महामारीविरुद्धको लडाइँमा उपयोग गर्न गाडी प्रयो गर्न सम्बन्धित स्वास्थ्यका पदाधिकारीहरूलाई अनुरोध गरेका छन् ।
मेयर आचार्यले मिक्लाजुङ गाउँपालिका वडा–९ मा रहेको कोभिड अस्पताल अक्सिजनसहित एमबिबीएस डाक्टरले सेवा दिने व्यवस्था गरिएको बताइका छन् ।
