कैलालीमा थप ६ जनाको कोरोना संक्रमणबाट मृत्यु भएको छ । सोमबार दिउसो सम्म ६ जनाको मृत्यु भइसकेको जिल्ला प्रशासन कार्यालय कैलालीले जानकारी दिएको छ ।

प्रशासनका अनुसार धनगढी उपमहानगरपालिका—२ सरस्वती नगरका ४२ वर्षीय पुरुषको सोमवार बिहान ५ बजे, लम्की चुहा नगरपालिका — १ का ३८ वर्षीय पुरुषको बिहान १:३० बजे, वडा नम्बर १० का ३५ वर्षीया महिलाको बिहान ४:३० बजे, धनगढी उपमहानगरपालिका—५ का ६० वर्षीया महिलाको बिहान ९ बजे, गोदावरी नगरपालिका—३० वर्षीय पुरुषको बिहान ७ बजे र कञ्चनपुरको भीमदत्त नगरपालिका — ७ का ६४ वर्षीय पुरुषको बिहान ५ बजे मृत्यु भएको हो । उनीहरुमध्ये चार जना सेती प्रादेशिक अस्पतालमा र दुई जनाको निजी अस्पतालमा उपचारका क्रममा मृत्यु भएको जिल्ला प्रशासन कार्यालय कैलालीका सूचना अधिकारी शिवराज जोशीले केटिएम दैनिकलाई बताए ।

कोरोना संङ्क्रमण तिब्र रुपमा फैलिएसँगै कैलालीमा वैशाख १६ गते देखि २२ गतेसम्म कायम भएको निषेधाज्ञाको अवधि बढाएर वैशाख ३० गतेसम्म पुर्‍याइएको छ ।