नेपालमा कोरोना भाइरसको संक्रमणबाट थप २ जनाको निधन भएको छ ।
स्वास्थ्य तथा जनसंख्या मन्त्रालयले शनिबार अपरान्ह सार्वजनिक गरेको तथ्यांकअनुसार देशभरका प्रयोगशालामा २ हजार ८२४ जनाको नमूना परिक्षण गर्दा ४६ पुरुष र ३५ महिला गरी कूल ८१ जनामा भाइरसको संक्रमण देखिएको छ ।
योसहित नेपालमा कूल संक्रमितको संख्या २ लाख ७४ हजार ६५ पुगेको जसमध्ये २ लाख ७० हजार ३२५ जना भाइरसमुक्त भइसकेका छन् । पछिल्लो २४ घन्टामा ४८ जना कोरोना संक्रमणमुक्त भएका हुन् ।
थप २ जनाको निधन भएसँगै कोरोनाबाट ज्यान गुमाउनेको संख्या २ हजार ७७३ पुगेको छ ।
नेपालमा अहिलेसम्म २१ लाख ६० हजार ४०४ जनाको नमूना परिक्षण गरिसकिएको मन्त्रालयले जनाएको छ ।