झापाको भद्रपुर नगरपालिकामा रहेको एक कपास फ्याक्ट्रिमा आगलागी भएको छ ।
जिल्ला प्रहरी कार्यालय झापाले दिएको जानकारी अनुसार भद्रपुर नगरपालिका वडा नं ५ झापा चौकमा राम चन्द्र सहनिले संचालन गर्दै आईरहेको कपास फ्याक्ट्रिमा आगो लाग्दा १२ लाख भन्दा बढीको क्षति भएको छ ।
कपास पेल्ने क्रममा कपासमा मिसिएर आएको ढुङ्गाको कारण मेसिनमा खराबी आई अचानक आगलागी भएको बताइएको छ ।
आगलागी बाट कपास पेल्ने एक मेसिन तथा ५७ बोरा तयारी कपास पुर्ण रुपले जलेर नष्ट भएको जिल्ला प्रहरी कार्यलय झापाका डिएसपी राकेश थापाले बताए ।
भद्रपुर नगरपालिकाको दमकलको सहयोगमा आगो नियन्त्रणमा आइसकेको छ ।