नेपालमा कोरोना भाइरसको संक्रमणबाट थप ४ जनाको निधन भएको छ ।
योसहित ज्यान गुमाउनेको संख्या १ हजार ९६९ पुगेको छ ।
स्वास्थ्य तथा जनसंख्या मन्त्रालयले मंगलबार अपरान्ह सार्वजनिक गरेको तथ्यांकअनुसार देशभरका प्रयोगशालामा ४ हजार ९५६ जनाको नमूना परिक्षण गर्दा ३४८ जनामा भाइरसको संक्रमण पाइएको छ । तीमध्ये पुरुष २१९ र महिला १२९ छन् ।
हालसम्म २ लाख ६७ हजार ९९२ जना संक्रमित पुग्दा निको हुनेको संख्या २ लाख ६२ हजार २५९ पुगेको छ । पछिल्लो २४ घन्टामा ४४१ जना निको भएका हुन् ।
हाल तीन हजार ७६४ जना आइसोलेशनमा र १९० जना क्वारेन्टिनमा छन् ।आइसोलेशनमा रहेकामध्ये गम्भिर अवस्थाका १६१ जनालाई आईसीयू र ३५ जनालाई भेन्टीलेटरमा राखेर उपचार गराइरहेको मन्त्रालयले जनाएको छ ।
आज काठमाडौं उपत्यकामा तीन जिल्लामा १३० पुरुष र ८८ महिला गरी कूल २१८ जनामा भाइरसको संक्रमण पुष्टि भएको हो ।
