कोरोना संक्रमित भएपछि उपचारको लागि नेपालगन्जबाट एयरलिफ्ट गरी काठमाडौं ल्याइएका एक पुरुषको निधन भएको छ ।
मंसिर ८ गते कोरोना संक्रमित पुष्टि भएको वीरेन्द्रनगर नगरपालिका वडा नम्बर ९ सुर्खेत निवासी ४९ वर्षिय पुरुषमा स्वास्थ्य समस्या देखिएपछि उनलाई नेपालगन्ज मेडिकल कलेजमा लगिएको थियो ।
त्यहाँ २ दिन उपचार गरेर फेरी भेरी अञ्चल अस्पतालमा राख्दा पनि स्वास्थ्यमा सुधार नभएपछि मंसिर १४ गते एयरलिफ्ट गरी काठमाडौं स्थित ग्राण्डी अस्पतालमा भर्ना गरिएको थियो ।
ग्रान्डीमा १३ दिन विताएका उक्त पुरुषको मंसिर २७ गते निधन भएको सामाजिक विकास मन्त्रालयले सुर्खेतले जनाएको छ ।
निजको शवलाई कात्तिक २८ गते बाँके जिल्लामा व्यवस्थापन गरिएको जनस्वास्थ्य शाखा प्रमुख नवराज कँडेलले बताए ।
यीसहित कर्णाली प्रदेशमा कोरोनाबाट ज्यान गुमाउनेको संख्या २२ पुगेको छ ।