नेपालमा कोरोना भाइरसको संक्रमणबाट थप १६ जना व्यक्तिले ज्यान गुमाएका छन् ।
स्वास्थ्य तथा जनसंख्या मन्त्रालयले सोमबार अपरान्ह सार्वजनिक गरेको तथ्यांकअनुसार अहिलेसम्म ज्यान गुमाउनेको संख्या १ हजार ३३७ पुगेको छ ।
आज देशभर रहेका ७७ वटा प्रयोगशालामा १० हजार ३८१ जनाको नमूना परिक्षण गर्दा १ हजार ९८० जनामा कोरोना भाइरसको संक्रमण पाइएको छ ।
योसहित कूल संक्रमितको संख्या २ लाख २२ हजार २८८ पुगेको जसमध्ये ९० दशमलव ९ प्रतिशत संक्रमितहरु निको भएका छन् ।
संख्यातमक रुपमा हेर्दा निको हुनेको संख्या २ लाख २ हजार ६७ पुगेको मन्त्रालयले मंगलबार जारी गरेको तथ्यांकमा उल्लेख छ । पछिल्लो २४ घन्टामा ३ हजार ४१ जना संक्रमणमुक्त भएका छन् ।
सक्रिय संक्रमितको संख्या घटेर १८ हजार ८८४ मा झरेको छ ।
मन्त्रालयले अहिलेसम्म १६ लाख ७० हजार ४५६ जनाको परिक्षण गरिएको जनाएको छ ।
र यो पनि
काठमाडौं उपत्यकामा १ हजार ७ संक्रमित भेटिए