वितेको २४ घन्टामा काठमाडौं उपत्यकामा १ हजार २२९ जनामा कोरोना भाइरसको संक्रमण पाइएको छ ।
स्वास्थ्य तथा जनसंख्या मन्त्रालयले बिहीबार अपरान्ह सार्वजनिक गरेको तथ्यांक अनुसार आज उपत्यकामा भेटिएका संक्रमितमध्ये पूरुष ७१६ जना छन् भने महिलाको संख्या ५१३ छ ।
त्यस्तै देशभर रहेका ७६ प्रयोगशालामा ९ हजार ८०५ जनाको नमूना परिक्षण गर्दा १ हजार २३९ पुरुष र ८६४ महिला गरी कूल २ हजार १०३ जनामा कोरोना भाइरसको संक्रमण पाइएको हो । सोही अवधिमा २ हजार ८५८ जना कोरोनामुक्त भएका छन् भने १७ जनाले ज्यान गुमाएका छन् ।
काठमाडौं जिल्लामा मात्रै अहिलेसम्म ८० हजार ७२६ जनामा कोरोना संक्रमण पाइएको छ जसमध्ये ६७ हजार ९७३ जना कोरोनामुक्त भएका छन्, ३१२ जनाले ज्यान गुमाएका छन् र अझै पनि १२ हजार ४४१ जनामा कोरोना संक्रमण सक्रिय अवस्थामा रहेको छ ।
मन्त्रालयले अहिलेसम्म देशभरी १६ लाख ३३ हजार ५५९ जनाको परिक्षण गरिएको बताएको छ ।