अमेरिकी राष्ट्रपति पदको चुनाव हारेपछि डोनाल्ड ट्रम्पलाई लिएर अर्को द:खद समाचार आएको छ। अन्तराष्ट्रिय सञ्चारमाध्यमहरुले जनाएअनुसार राष्ट्रपतिमा पराजित डोनाल्ड ट्रम्पलाई श्रीमती मेलानियाले डिभोर्स दिने भएकी छन् ।
बेलायतबाट संचालन हुने डेली मेलका अनुसार पत्नी मेलानिया पति ट्रम्प राष्ट्रपति कार्यालयबाट बाहिरिएपछि सम्बन्धविच्छेद गर्ने तरखरमा छिन् ।
अमेरिकाकी प्रथम महिला मेलानिया ट्रम्पको वरिष्ठ सल्लाहकारको रुपमा नियुक्त भएकी पूर्वसहयोयी स्टेफानी वोल्कोफले ट्रम्पको ह्वाइटहाउसमा छुट्टै बेडरुम भएको र उनीहरूको सम्बन्ध ‘लेनदेन’ मात्र भएको दाबी गरेकी छन् ।
एक अन्य पूर्व सहयोगी ओमारोजा म्यानिगोल्ट न्युम्यानका अनुसार यी जोडीको १५ वर्ष पुरानो वैवाहिक सम्बन्ध अब करिब करिब समाप्त भएको छ। ‘मेलानिया अहिले बितिरहेका हरेक मिनेट गनेर ट्रम्प कार्यालय बाहिर निस्किएपछि डिभोर्स दिने प्रतीक्षामा छिन्’, उनले भनेका छन्।
५० वर्षिया मेलानियाले आफ्नो र ट्रम्पको वैवाहिक सम्बन्ध राम्रो भएको दाबी गर्दै आएपनि सार्वजनिक स्थलमा दुईबीच सौहार्द सम्बन्ध थिएन । सन् २०१६ मा डोनाल्ड ट्रम्पले निर्वाचन जित्दा मेलानिया रोएकी थिइन् किनकि उनलाई पतिले जित्नेमा विश्वास नै थिएन। मेलानियासँग जोडिएको यो कुराको दाबी स्वयम् उनकी निकट साथीले गरेकी हुन्।
