नेपालमा वितेको २४ घन्टामा ४ हजार ३ सय भन्दा बढीमा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार देशभर १६ हजार ५३१ जनाको नमूना परिक्षण गर्दा देशभर ४ हजार ३९२ जनामा कोरोना संक्रमण पुष्टि भएको छ ।
योसहित नेपालमा कूल कोरोना संक्रमितको संख्या १ लाख २६ हजार १३७ पुगेको छ । गत माघ ९ गते चीनबाट फर्किएका एक व्यक्तिमा पहिलो पटक नेपालमा कोरोनाभाइरस सङ्क्रमण पुष्टि भएको थियो।
आज निको हुनेको संख्या पनि उच्च रहेको छ । मन्त्रालयका अनुसार ३ हजार ५२२ जना कोरोनामुक्त भएर घर फर्केका छन् । अहिलेसम्म कोरोना मुक्त हुनेको संख्या ८८ हजार ४० पुगेको छ । ७९ दशमलव ८ प्रतिशत निको भएका छन् ।
वितेको २४ घन्टामा २१ जनाले कोरोनाको कारण ज्यान गुमाएका छन् । यीसहित अहिलेसम्म ज्यान गुमाउनेको संख्या ७१५ पुगेको छ ।
अहिले सक्रिय संक्रमितको संख्या ३७ हजार ३८२ रहेको छ । जसमध्ये संस्थागत आइसोलेशनमा १२ हजार ३३६ जना छन् भने २५ हजार ४६ जना होम आइसोलेशनमा बसेका छन् ।
