झापा मेचीनगर-९ की एक महिलाले तिम्ल्याहा सन्तानलाई जन्म दिएकी छिन्।
मेचीनगर-९ की निर्मला विष्ट रिजालबाट आइतबार विर्तामोडस्थित मनमोहन हस्पिटलमा पहिलो सन्तानका रुपमा दुई छोरा र एक छोरीको जन्म दिएको अस्पतालले बताएको छ ।
सामान्तया ३६ हप्तामा बच्चा जन्मने भएपछि निर्मलाको ३५ हप्तामै अप्रेसन गरी बच्चा निकालिएको बताइएको छ ।
आइतबार साँझ जन्मिएका तीनवटै बच्चा र आमाको स्वास्थ्य अवस्था राम्रो रहेको अस्पताल स्रोत बताउँछ ।
तीन बच्चामा एक छोराको तौल एक किलो ९ सय ग्राम, अर्काको १ किलो ६ सयग्राम रहेको बताइएको छ।
छोरीको तौल भने २ किलो रहेको बताइएको छ।
भदौ ११ गते काठमाडौंमा एक महिलाले तीनवटा सन्तानको जन्म दिएकी थिइन् ।
यसअगाडी नेपालमा तिम्लिया मात्र होइन एक महिलाले ४ सन्तानसमेत जन्माएका उदाहरणहरु छन् ।
भदौं १७ गते जनकपुरमा २२ वर्षिया युवतीले चम्ल्याहा सन्तानको जन्म दिएकी थिइन् । तर दुर्भाग्य नै भन्नुपर्छ ४ सन्तानको जन्म दिएकी धनुषाको विदेह नगरपालिका-७ जोगियाराकी २२ वर्षीया अरमाना खातुनले आफ्नो प्राण त्यागिन् ।
गत बैशाख १० गते वीरगञ्जको एक अस्पतालमा २० वर्षिया युवतीले ४ सन्तानको जन्म दिएकी थिइन् ।पर्साको छिपहरमाइ गाउँपालिका- ४ जयमंगलापुरका सलीम गद्धीकी श्रीमती २० वर्षीया नजमा खातुनले ३ छोरी र १ छोरा गरी चारजना शिशुलाई जन्म दिएकी थिइन् ।
त्यस्तै ८ असोज २०७६ मा काठमाडौं मेडिकल कलेजमा धनगढीका पदमबहादुर शाहीकी श्रीमती खगित्रा शाहीले एकैसाथ चार सन्तानको जन्म दिएकी थिइन् । एक छोरी र तीन छोरा पालैपालो शल्यक्रिया गरेर निकालिएको थियो ।