विश्वभरी महामारीका रुपमा फैलिएको कोरोनाभाइरसका कारण अहिलेसम्म विश्वभरी पौने तीन करोड मानिस संक्रमित भएका छन् ।
बुधबार अपराह्न यो सामाचार तयार पार्दासम्म विश्वभर २ करोड ७७ लाख ६१ हजार ७ सय ४८ जना सङ्क्रमित भएको विवरण सार्वजनिक भएको छ ।
कुल संक्रमित मध्ये ९ लाख २ हजार ३ सय ६ जनाको मृत्यु भएको छ भने अरु १ करोड ९८ लाख ४५ हजार ६ सय ६८ जना निको भएर घर फर्किसकेका छन् ।
विश्वभरी अहिलेपनि ७० लाख १३ हजार ७ सय ७४ जना संक्रमित अवस्थामै रहेका छन । ती मध्ये ६० हजार ४ सय १९ जनाको अवस्था जटिल रहेको बताइएको छ ।
कोरोना संक्रमणको शीर्ष स्थानमा रहेको संयुक्त राज्य अमेरिकामा ६५ लाख १४ हजार ३ सय ७६ व्यक्तिहरु संक्रमित हुँदा १ लाख ९४ हजार ३७ जनाले ज्यान गुमाइसकेका छन् ।
त्यसैगरी दोस्रो स्थानमा रहेको भारतमा ४३ लाख ७४ हजार ३ सय १४ संक्रमित हुँदा ७३ हजार ९ सय ३५ जनाको ज्यान गइसकेको छ ।
यसअघि लामो समय ब्राजिल दोस्रो धेरै सङ्क्रमित भएकाहरुको सूचीमा रहेपनि अहिले भारतले ब्राजिललाई उछिनेको हो । संक्रमित व्यक्तिको संख्याको आधारमा भारत दोस्रो स्थानमा रहेतापनि कोरोना भाइरसबाट ज्यान जानेहरुमा अमेरिकापछि ब्राजिल नै रहेको छ ।
तेस्रो स्थानमा झरेको ब्राजिलमा अहिलेसम्म ४१ लाख ६५ हजार १ सय २४ जना संक्रमित हुँदा १ लाख २७ हजार ५ सय १७ जनाको कोरोनाकै कारण मृत्यु भएको छ ।
चौथो धेरै सङ्क्रमित रहेको रुस र पाचौँ धेरै सङ्क्रमित रहेको पेरुमा क्रमशः १० लाख ४१ हजार ७ र ६ लाख ९६ हजार १ सय ९० जना संक्रमित भएका छन् । ती देशहरुमा मृतकहरुको संख्या पनि क्रमशः १८ हजार १ सय ३५ र ३० हजार १ सय २३ रहेको छ ।
रुसमा सङ्क्रमितको संख्या धेरै रहेपनि मृतककको संख्या भने पेरुमा धेरै रहेका छन् ।
धेरै सङ्क्रमित भएका मुलुकहरुको सूचीमा क्रमशः कोलम्बिया, मेक्सिको, दक्षिण अफ्रिका, स्पेन र अर्जेन्टिना छैठौँ, सातौँ, आठौँ, नवौँ र दशौँ स्थानमा रहेका छन् ।
