दुबइबाट भारत आएको बिमान दुर्घटनामा परेको छ ।
दुबईबाट १ सय ९१ यात्रु लिएर आएको एयर इंडिया एक्सप्रेसको बोइंग-७३७ विमान भारत केरलाको क्यालिकट एयरपोर्टमा केही बेरअघि ल्यान्डिंगको क्रममा रनवेमा दुर्घटनामा परेको भारतीय सञ्चारमाध्यम हिन्दुस्तान टाइम्सले बताएको छ ।
यस जहाजमा १९१ जना यात्रु सवार थिए। यिनमा १२८ पुरुष, ४६ महिला, १० बच्चा र ७ चालक दलका सदस्य थिए।
दुर्घटनामा विमानमा आगो लाग्नबाट भने जोगिएको छ ।
विमानका दुवै पाइलट यस दुर्घटनामा मारिएका छन्। यो दुर्घटनामा अन्य ८ जना यात्रुले पनि ज्यान गुमाएका छन्। दुर्घटनापछि करिब ४० जना यात्रुलाई अस्पतालमा भर्ना गरिएको छ।
भारी वर्षाका कारण अवतरणका क्रममा विमान दुर्घटना भएको बताइएको हो। दुर्घटनापछि विमान दुई टुक्रा भएको तस्विरमा देख्न सकिन्छ ।
Initial reports say the plane overshot the runway due to rainy conditions and broke into two parts. #AirIndiaExpress
— Hindustan Times (@htTweets) August 7, 2020