उदयपुरको बेलका नगरपालिकामा कोरोना भाइरस समुदायमै स्तरमा फैलिएको आशंका गरिएको छ ।
साउन ३ गते संकलन गरिएको नमूनाको रिपोर्ट सोमबार बेलुका आउँदा त्यस क्षेत्रका ८ जनामा कोरोनाको संक्रमण देखिएको छ । त्यसमध्ये ४ जनाको कुनै ट्राभल हिस्ट्री छैन ।
संक्रमितहरु २ वर्षका बालिका देखि ७० वर्ष उमेरसम्मका रहेका छन् । उदयपुरमा अहिलेसम्म संक्रमितको संख्या ८५ पुगेको छ ।
यसअघि भारतबाट आएका नागरिकहरुमा मात्र देखिएको कोरोना भाइरसको संक्रमण समुदायका नागरिकमा पनि देखिएको हो ।
कोरोना संक्रमण भेटिएपछि बजार क्षेत्र सिल
उदयपुरको बेलका नगरपालिकाको केन्द्र रामपुर बजार सिल गरिएको छ ।
वडा नम्बर ९ को एक परिवारमा कोरोना भाइरस (कोभिड–१९) को संक्रमण देखिएसँगै नगरपालिकाले बजार सिल गर्ने निर्णय गरेको हो ।
नगरपालिकामा पुनः कोभिड–१९ को संक्रमण देखिएकाले वडा नम्बर ९ को कमलावारीभन्दा पश्चिम, मूर्तिखोलाभन्दा पूर्व, दक्षिण भूभाग सिल गर्ने निर्णय भएको विज्ञप्तिमा उल्लेख छ ।
अर्का सूचना नल्याएसम्म घरबाट बाहिर ननिस्कन तथा सुरक्षाका उपाय अवलम्बन गर्नसमेत उनले आग्रह गरेका छन् ।
