महामारीका रुपमा फैलिरहेको कारोनाबाट पछिल्लो २४ घण्टाको अवधिमा विश्वभर २ लाख ३० हजारभन्दा बढी मानिस कोरोना संक्रमित भएसका छन् ।
विश्व स्वास्थ्य संगठन(डब्लुएचओ)ले आइतबार कोरोना भाइरसको दैनिक संक्रमित संख्यामा नयाँ रेकर्ड कायम भएको जनाएको छ।
विश्व स्वास्थ्य संगठनले जनाएअनुसार विगत २४ घण्टामा २ लाख ३० हजार ३ सय ७० संक्रमित थपिएका हुन । अहिलेसम्म एकै दिन संक्रमित हुनेको संख्या यो सबैभन्दा धेरै हो । यसअघि जुलाई १० मा सबैभन्दा धेरै संक्रमित फेला परेका थिए। सो दिन २ लाख २८ हजार १ सय २ जना संक्रमित फेला परेका थिए।
योसँगै विश्वमा संक्रमितको संख्या १ करोड ३० लाख नाघेको छ भने ज्यान गुमाउनेको संख्या ५ लाख ७१ हजार नाघेको छ । सबैभन्दा धेरै अमेरिका र ब्राजिलमा थपिएका छन् ।
दक्षिणपूर्वी एसियामा ३३ हजार १ सय ७३ र भारतमा २८ हजार ६ सय ३७ नयाँ संक्रमित थपिएका छन् । भारतमा २४ घण्टामा ५ सय ५१ जनाको मृत्यु भएको छ । सबैभन्दा बढी प्रभावित महाराष्ट्रमा थप ८ हजार १ सय ३४ जनामा संक्रमण पुष्टि भएको छ ।