भारतमा कोरोना भाइरसबाट सङ्क्रमितको संख्या दिनप्रतिदिन बृद्धि हुँदै गइरहेको छ । अघिल्ला दिनहरुमा भन्दा पछिल्ला दिनहरुमा दैनिक सङ्क्रमितको संख्या बढ्दै गइरहेको तथ्यांकले देखाएको छ ।
अहिले एसियाकै महामारी केन्द्र बनिरहेको भारत विश्वमा कोरोना संक्रमित देशको लहरमा चौथो स्थानमा छ । एसियाली देशहरूमा भने सबैभन्दा बढी कोरोना भाइरसक संक्रमितहरू भारतमै फेला परेका छन् ।
भारतमा शनिबार मात्रै २४ हजार १५ नयाँ संक्रमित फेला परेका छन् भने ६ सय १० जनाको मृत्यु भएको वर्डोमिटर्स डट इन्फोको तथ्यांकले देखाएको छ । भारतमा एकै दिनमा संक्रमित हुनेको संख्या यो हालसम्मकै उच्च हो ।
यो सँगै अहिले भारतमा कारोना भाइरसबाट संक्रमित हुनेको संख्या ६ लाख ७३ हजार ९ सय ४ पुगेको छ । कोरोनबाट मृत्यु हुनेको संख्या भने १९ हजार २ सय ७९ पुगेको छ ।
अहिले भातरमा २ लाख ४५ हजार ५ सय ६३ जना सङ्क्रमित हरु विभिन्न अस्पतालमा उपचार गराइरहेका छन् । तीमध्ये ८ हजार ९ सय ४४ जनाको अवस्था भने गम्भीर रहेको छ ।
त्यसैगरी ४ लाख ९ हजार ६२ जना सङ्क्रमण मुक्त भएर घर फर्किसकेका छन् ।
भारतमा पछिल्लो समयमा लकडाउनलाई खुकुलो बनाउदै लगिएको र परिक्षणको मात्रा पनि बढाइएकाले सङ्क्रमितहरुको संख्या धेरै देखिँदै गएको अधिकारीहरुले बताएका छन् ।
नेपालमा भेटिएका ८० प्रतिशत भन्दा बढी संक्रमितहरु भारतबाट आएक नेपाली नागरिकहरु रहेका छन् ।