विश्वभर कोरोना भाइरसको संक्रमित संख्या ९७ लाख १० हजार नाघेको छ ।
नेपाली समयअनुसार शुक्रबार बिहान ८ बजेसम्म विश्वभर कोरोना भाइरसबाट संक्रमण हुने व्यक्तिको संख्या ९७ लाख १० हजार २ सय ५ पुगेको छ ।
अहिलेसम्म कोरोना भाइरसकै कारणले गर्दा ४ लाख ९१ हजार ७ सय ८३ जनाको ज्यान गैसकेको छ भने ५२ लाख ७९ हजार ५ सय ७९ जना उपचारपछि निको भएर घर फर्किकसकेका छन् ।
कुन देशमा कति ?
कोरोना भाइरसबाट सबैभन्दा बढी असर गरेको देशमा क्रमस अमेरिका, ब्राजिल, रसिया, भारत र बेलायत रहेका छन् ।
सबैभन्दा बढी अमेरिकामा संक्रमित संख्या २५ लाख कटेको छ । त्यहाँ एक लाख २६ हजार भन्दा बढीको यही भाइरसको कारणले निधनभइसकेको छ । अमेरिकामा २ करोडभन्दा बढीलाई संक्रमण हुने अनुमान गरिएको छ ।
दोस्रो स्थानमा रहेको ब्राजिलमा संक्रमित संख्या १२ लाख नाघेको छ । त्यहाँ ५५ हजारको मृत्यु भइसकेको छ ।
रुसमा ६ लाख संक्रमित संख्या पुग्दा ८ हजार ६ सयको मृत्यु भएको छ । भारतमा कुल संक्रमित ४ लाख ९१ हजारमध्ये १५ हजारको मृत्यु भइसकेको छ ।
नेपालमा भने लगभग २ लाखको पीसीआर विधिबाट परिक्षण गर्दा ११ हजार १ सय ६२ जनामा कोरोना संक्रमण देखिएको छ । जसमध्ये २ हजार ६ सय ५० जना निको भएका छन् भने २६ जनाले ज्यान गुमाएका छन् ।
