विश्व कोरोना भाइरससँग जुधिरहेको बेला बलिउड उद्योग पनि शोकमा डुबेको छ । लकडाउनको अवधिमा २० भन्दा बढी कलाकारहरुको निधन भइसकेको छ ।
सुशान्त सिंह राजपुतले आइतबार आ त्मह त्या गरे ।
त्यसपछि बलिउड शोकमा डुबेको छ ।
उनको बुबा भावविह्वल अवस्थामा छन् ।
उनका परिवारका अन्य सदस्यहरुले उनलाई सान्त्वना दिइरहेका छन् ।
उनले ३ दिन अगाडीमात्र बुबालाई फोन गरेर कोरोनाबाट बच्न आग्रह गरेका थिए ।
बुबासँग रहेकी सहयोगीलाई बुबाको केयर गर्न , कोरोनाबाट बच्न र बाहिरफेर निस्कन नदिन आग्रह गरेका थिए ।
उनी १६ वर्षको हुदाँ उनको आमाको निधन भएपछि बुबा र दिदीहरुले नै उनलाई सम्हाली रहेका थिए ।
उनको अन्तिम बिदाईमा उनका आफन्त र साथी उपस्थित भए पनि उनको दिदी स्वेता सिंह भने अमेरिकामा भएको कारण भाइको मुख हेर्न आउन पाइन्न ।
उनले फेसबुकमा स्टाटस लेख्दै आफु आउन नपाएको दुखी भएको बताएकी छिन् ।
“सबैको सहयोगले गर्दा मेरो टिकट भयो, म १६ तारिक आफ्नो जन्मभुमि आउँदैछु ।
म दिल्ली हुदै मुम्बई प्रस्थान गर्दैछु ।
यो शोकाकुल अवस्थामा म मेरो परिवारसँग बस्न चाहन्छु तर क्वारेन्टाइनमा बस्नु पर्ने डरले मुटु कामिरहेको छ ।” उनले भनिन् ।