कोरोना भाइरसको सङक्रमणबाट धेरै नागरिक गुमाउनेमा अमेरिका र बेलायतपछि ब्राजिल आइपुगेको छ ।
पछिल्लो तथ्यांकअनुसार अमेरिकामा १ लाख १० हजार १ सय ७९ जनाले ज्यान गुमाउँदा बेलायतमा ज्यान गुमाउनेको संख्या ३९ हजार ९ सय ४ पुगेको छ भने ब्राजिलमा ३४ हजार ३९ जनाले ज्यान गुमाइसकेका छन्
ब्राजिल कोरोना भाइरसका कारण धेरै नागरिक गुमाउने मुलुकको तेश्रो स्थानमा उक्लेको हो ।
कोरोनाका कारण मृत्यु हुनेको संख्या शुक्रबार ३४ हजार नाघेपछि इटालीलाई पछि पार्दै ब्राजिल तेश्रो स्थानमा उक्लेको हो।
बितेका २४ घण्टामा ब्राजिलमा १ हजार ४ सय ९२ जनाको ज्यान गएको छ।
यसैगरी संक्रमित संख्या धेरै भएको मुलुकमा ब्राजिल दोश्रो स्थानमा छ।
त्यहाँ हालसम्म ६ लाख १५ हजार ८ सय ७० जनामा कोरोनाको संक्रमण पुष्टि भइसकेको छ।
विशेषज्ञहरूले त्यहाँ परीक्षणको गति सुस्त भएको र ग्रामिण इलाकामा विस्तार नभएकाले वास्तविक संक्रमितको संख्या अझ धेरै हुनसक्ने बताउँदै आएका छन्।
ल्याटिन अमेरिकी देशमा ब्राजिल कोरोना भाइरसबाट सर्वाधिक प्रभावित मुलुक हो।
