नेपालमा सोमबार ७२ जना संक्रमित फेला परेका छन् ।

सोमबार दिउँसोसम्मको तथ्यांकअनुसार नेपालमा अहिलेसम्म संक्रमित हुनेको संख्या ६७५ पुगेको छ ।

कुन जिल्लामा कति ?

पछिल्लो तथ्यांक अनुसार सबैभन्दा धेरै बाँके जिल्ला १४६ (एकजनाले ज्यान गएको जोड्दा १४७) छन् भने पर्सामा ९४, कपिलवस्तुमा ८३ जना, रौतहटमा ४९ जना, रुपन्देहिमा ४३ जना, झापा, सर्लाही र बारामा ३५-३५ जना, उदयपुरमा ३३ जना, काठमाडौंमा १५ जना र धनुषामा १२ संक्रमित फेला परेका छन् ।

त्यस्तै दैलेखमा ८ जना, धनकुटा र कैलालीमा ७-७ जना संक्रमित फेला परेका छन् ।

चितवन, नवलपरासी (पश्चिम) र मोरङमा ६-६ जना भेटिएका छन् ।

बैतडी र दाङमा अहिलेसम्म ५-५ जनामा कोरोना भाइरसको पुष्टि भएको छ भने भक्तपुर, बर्दिया र सप्तरी जिल्लामा ४-४ जनामा संक्रमितहरु भेटिएका छन् ।

महोत्तरी धादिङ्ग, सुनसरी मकवानपुर र सुर्खेतमा ३-३ जना संक्रमित फेला परेका छन् ।

नवलपरासी (पूर्व), बाग्लुङ र गुल्मिमा २-२ जना संक्रमित भेटिएका छन् ।

१ जनामा संक्रमित भेटिएको जिल्लाको संख्या १२ पुगेको छ । जसमा भोजपुर, कञ्चनपुर सिराहा, काभ्रे, सिन्धुपाल्चोक, खोटाङ्ग, ललितपुर, रामेछाप, सिन्धुली, लमजुङ्ग, डडेलधुरा र नुवाकोट रहेका छन् ।

थप एक व्यक्तिको निधन र अन्य केही संक्रमितहरु निको भएको अपुष्ट खबर आएतापनि स्वास्थ्य तथा जनसंख्या मन्त्रालयले यसबारेमा केही नबोलेको हुनाले तलको तालिकामा उनीहरुलाई समावेश नगरिएको जानकारी गराउन चाहन्छौं ।