चन्दा क्षेत्री/नागोया, जापान।
जापानमा जारी २०औँ एसियाली खेलकुदअन्तर्गत पुरुष कबड्डीमा नेपाल थाइल्यान्डसँग पराजित भएको छ।
समूह ‘बी’ अन्तर्गत सोमबार भएको खेलमा नेपाल थाइल्यान्डसँग ५९–४८ अंकले पराजित भएको हो। थाइल्यान्डले नेपालमाथि ११ अंकको अन्तरमा जित निकाल्दै एसियाडमा विजयी सुरुवात गरेको छ।
नेपाल र थाइल्यान्डसँगै इरान, पाकिस्तान र मलेसिया समूह ‘बी’मा छन्।
नेपालले एसियाडअघि पुरुष कबड्डी टोलीलाई भारतको हरियाणामा करिब दुई महिनाको प्रशिक्षण गराएको थियो। प्रशिक्षण जुलाईदेखि सेप्टेम्बर १५ सम्म सञ्चालन गरिएको थियो।
थाइल्यान्डसँगको हारसँगै नेपालले समूह चरणको सुरुवात पराजयबाट गरेको छ। नेपालले अब समूह ‘बी’का बाँकी प्रतिद्वन्द्वीसँग प्रतिस्पर्धा गर्नेछ।
