काठमाडौँ । अस्ट्रेलिया भ्रमणमा रहेको नेपाली पुरुष क्रिकेट टोली अभ्यास एकदिवसीय खेलमा तास्मानिया मेन्सविरुद्ध १९२ रनमा समेटिएको छ। डार्विनस्थित गार्डेन्स ओभलमा टस हारेर पहिले ब्याटिङ गरेको नेपाल ‘ए’ ४३.३ ओभरमा अलआउट भएको हो।
नेपालका लागि ओपनर तृर्तराज दासले ६३ बलमा ३७ रन बनाएर सर्वाधिक योगदान दिए। अर्का ओपनर मयाङ्क यादवले ५५ बलमा ३२ रन जोडे। यी दुईले पहिलो विकेटका लागि ५५ रनको साझेदारी गर्दै नेपाललाई राम्रो सुरुआत दिलाएका थिए।
तर त्यसपछि नेपाली मध्यक्रमका ब्याटरहरूले ठूलो साझेदारी गर्न सकेनन्। कुशल मल्लले २९ तथा पवन सर्राफले अविजित २२ रन बनाए। यस्तै देवप्रसाद डुम्रेले १८ रन जोड्दा कुशल भुर्तेल र अनिल शाहले समान ११ रन बनाए। लोकेश बमले पनि ११ रन जोडे। शाहबु आलम र रिजोन ढकाल भने खाता नखोल्दै आउट भए।
तास्मानियाका बिल्ली स्टानलेक नेपालका लागि सबैभन्दा प्रभावकारी बलर बने। उनले १० ओभरमा २१ रन खर्चिएर ४ विकेट लिए। विल प्रेस्टविज र आर म्याकमिलनले समान २–२ विकेट लिए।
यससँगै नेपालले तास्मानिया मेन्ससामु १९३ रनको लक्ष्य प्रस्तुत गरेको छ।
