काठमाडौँ – इन्डियन प्रिमियर लिग (आईपीएल) अन्तर्गत बुधबार राति सम्पन्न खेलमा रोयल च्यालेन्जर्स बेंगलुरु (आरसिबी) ले लखनउ सुपर जायन्ट्स (एलएसजी)लाई पाँच विकेटले हराएको छ । यो जितसँगै आरसिबी तालिकाको शीर्ष स्थानमा उक्लिएको छ ।
पाँच खेलमा आठ अंक जोड्दै आरसिबी शीर्ष स्थानमा पुगेको हो । समान खेल खेलेको लखनउ चार अंकसहित सातौं स्थानमा छ ।
बेंगलुरुस्थित चिन्नास्वामी स्टेडियममा भएको खेलमा घरेलु टोलीले २९ बल बाँकी छँदै सहज जित हात पारेको हो।
लखनउले प्रस्तुत गरेको १ सय ४७ रनको मध्यम लक्ष्यलाई बेंगलुरुले १५.१ ओभरमा ५ विकेट गुमाएर १ सय ४९ रन बनाउँदै भेट्टायो। बेंगलुरुको जितमा विराट कोहली अर्धशतक बनाउन एक रनले चुके । ्
यसअघि टस हारेर पहिले ब्याटिङको निम्तो पाएको लखनउले निर्धारित २० ओभरमा सबै विकेट गुमाउँदै १ सय ४६ रन मात्र बनाउन सकेको थियो। लखनउका लागि कुनै पनि ब्याटरले ठूलो इनिङ्स खेल्न सकेनन्। बेंगलुरुको कसिलो बलिङसामु लखनउका खेलाडी सुरुदेखि नै दबाबमा देखिएका थिए।
