काठमाडौँ । देशको पश्चिमी क्षेत्रबाट सक्रिय भएको मौसम प्रणालीको प्रभाव राजधानीसम्म फैलिँदा काठमाडौँ उपत्यकामा हावाहुरीसहित वर्षा भई जनजीवन प्रभावित भएको छ।
मौसम विज्ञान विभागका अनुसार उक्त प्रणाली सक्रिय भएसँगै लुम्बिनी प्रदेशका बाँके, दाङ, कपिलवस्तु र रुपन्देहीलगायत जिल्लामा वर्षा र हावाहुरी देखिएको थियो। सोही प्रभाव क्रमशः पूर्वतर्फ सर्दै राजधानी क्षेत्रमा पनि वर्षा गराएको हो।
लुम्बिनी क्षेत्रका विभिन्न स्थानमा घना बादल र तीव्र हावाहुरीका कारण दिउँसै अँध्यारो हुने अवस्था देखिएको थियो भने सवारी साधनले बत्ती बालेर गुड्नुपर्ने स्थिति बनेको जनाइएको छ।
काठमाडौँ उपत्यकामा समेत वर्षापछि यातायात र दैनिक गतिविधिमा अवरोध देखिँदा समग्र अवस्था केही बेर अस्तव्यस्त बनेको थियो।
