काठमाडौँ । नेपाली काँग्रेसका महामन्त्री गगनकुमार थापाले भ्रष्टाचारको आरोप लागेका कुनै पनि तहका नेता र सदस्य स्वतः निलम्बन हुने प्रस्ताव अघि सारेका छन्।
सोमबार भृकुटीमण्डपमा जारी विशेष महाधिवेशनको बन्द सत्रमा थापाले समसामयिक राजनीतिक प्रस्तावमा उक्त कुरा उल्लेख गरेका हुन्।
‘अख्तियारको दुरुपयोग तथा भ्रष्टाचारको आरोप लागेका कुनै पनि तहका नेता र सदस्यलाई पार्टीले संरक्षण नगर्ने तथा औपचारिक रूपमा आरोप लागेको मितिदेखि पदबाट स्वतः निलम्बन हुने प्रस्ताव यो विशेष महाधिवेशन पारित गर्दछ,’ प्रस्तावमा भनिएको छ।
सुशासन र भ्रष्टाचार नियन्त्रण गर्नका लागि थापाले ८ वटा संकल्प प्रस्ताव अघि सारेका छन्।
