काठमाडौं । नेपाली कांग्रेसका सभापति गगनकुमार थापाले नेपाल प्रिमियर लिग (एनपीएल) को तेस्रो संस्करणको सफलताको कामना गर्दै नेपाली क्रिकेटलाई वर्तमान अवस्थासम्म पुर्याउन योगदान गर्ने खेलाडी, प्रशिक्षक र क्रिकेटप्रेमीको प्रशंसा गरेका छन्।
एनपीएलको तेस्रो संस्करण आजदेखि सुरु हुँदै गर्दा शुभकामना सन्देश जारी गर्दै थापाले सीमित स्रोतसाधन र अनेक कठिनाइका बीच नेपाली क्रिकेटले हासिल गरेको उपलब्धिमा वर्षौंको संघर्ष, मेहनत र समर्पण जोडिएको बताएका छन्।
उनले प्रतियोगितामा सहभागी खेलाडी, टोली, नेपाल क्रिकेट संघ (क्यान) तथा क्रिकेटप्रेमीलाई शुभकामना दिँदै नेपाली क्रिकेटले आगामी दिनमा अझ उचाइ हासिल गर्ने विश्वास व्यक्त गरेका छन्।
