विप्लव नेतृत्वको नेपाल कम्युनिस्ट पार्टी निकट संयुक्त जवस मोर्चाहरुले पेट्रोलियम पदार्थमा बढाइएको मुल्यबृद्धि तत्काल फिर्ता गर्न जोडदार माग गर्दै आज काठमाडौंमा विरोध प्रदर्शन गरेका छन् ।
यसअघि निर्धारित विरोधको कार्यक्रम अन्तरगत उनीहरूले आज आरआर क्याम्पसअगाडी १ घण्टा चक्काजाम गरेका हुन् । आइतबार बिहान १० देखि ११ बजेसम्म १ घण्टा देशव्यापी चक्काजाम गर्ने कार्यक्रअनुसार चक्काजाम गरिएको विरोधमा सहभागीहरूले बताएका छन् ।
सरकारले मंगलबार राती १२ बजेदेखि लागु हुने गरी साविकको विक्री मुल्यमा पेट्रोल र डिजल प्रतिलिटर रु ३ बढाएर अब पेट्रोलको प्रतिलिटर रु. १४२ र मट्टीतेलको प्रतिलिटर रु १२५ कायम गरेको छ भने आन्तरिक हवाई इन्धनमा प्रतिलिटर रु १० बढाएको छ।
भोली (माघ २४) गते देशव्यापी अन्तरक्रिया कार्यक्रम गर्ने र माघ २६ गते देशव्यापी विरोध प्रदर्शन गर्ने कार्यक्रम छ ।