काठमाडौँ । फिफा विश्वकप २०२६ को अन्तिम क्वार्टरफाइनलमा साविक विजेता अर्जेन्टिना र स्विट्जरल्यान्डबीच रोमाञ्चक प्रतिस्पर्धा हुँदैछ।
अमेरिकाको मिसौरीस्थित कान्सास सिटी स्टेडियममा हुने यो बहुप्रतीक्षित खेल नेपाली समयअनुसार आइतबार बिहान ६:४५ बजे सुरु हुनेछ।
खेलअघि स्विट्जरल्यान्ड चोटग्रस्त खेलाडीहरूको समस्यासँग जुधिरहेको छ। टोलीका युवा स्टार मन्जाम्बी घुँडाको चोटका कारण खेल गुमाउने भएका छन् भने ज्याक्वेज मांसपेशीको समस्याका कारण उपलब्ध हुने छैनन्। साथै, एबिसरको सहभागिताबारे पनि अझै अन्योल कायम छ।
यता अर्जेन्टिनाको अवस्था भने सकारात्मक देखिएको छ। टोलीमा कुनै पनि खेलाडी घाइते नभएकाले प्रशिक्षकले अघिल्लो खेलमा विजयी भएको सुरुआती ११ लाई नै निरन्तरता दिने सम्भावना रहेको छ।
अर्जेन्टिनाका कप्तान लियोनेल मेसी व्यक्तिगत रूपमा नयाँ कीर्तिमान बनाउने लक्ष्यका साथ मैदान उत्रनेछन्। यस खेलको विजेताले सेमिफाइनलमा इंग्ल्यान्डसँग प्रतिस्पर्धा गर्नेछ।
