काठमाडौँ । नेपाली मध्यक्रमका ब्याट्सम्यान सन्दीप जोराले अमेरिकाविरुद्ध जारी खेलमा प्रभावशाली शतक बनाएका छन्।
मुलपानी क्रिकेट मैदानमा भइरहेको खेलमा नेपाल ‘ए’ टोलीबाट चौथो क्रममा ब्याटिङ गर्न आएका जोराले उत्कृष्ट लय कायम राख्दै तीन अंकको व्यक्तिगत स्कोर पूरा गरेका हुन्। उनले ११३ बलको सामना गर्दै १११ रन बनाएपछि आउट भएका थिए।
यसअघि स्कटल्यान्डसँगको अभ्यास खेलमा पनि जोराले अविजित ८३ रनको योगदान दिएका थिए। वर्षाका कारण प्रभावित उक्त खेलमा नेपालले निर्धारित ओभर पूरा गर्न नपाएको अवस्था थियो।
अमेरिकाविरुद्ध भने उनले आफ्नो शतक पूरा गर्दै टोलीको इनिङ्समा महत्वपूर्ण योगदान दिएका छन्। जारा ४२औँ ओभरको अन्तिम बलमा आउट भएका हुन्।
