काठमाडौँ । ‘संघीय निजामती सेवा विधेयक २०८०’ को कुलिङ पिरियडसम्बन्धीको व्यवस्था तोडमोड गरिएको विषयमा छानबिन समिति गठन गर्नेबारे सभामुख देवराज घिमिरेले प्रमुख दलसँग छलफल गरिरहेका छन् ।
सिंहदरवारस्थित सभामुखको कार्यकक्षमा बैठक जारी छ ।
सभामुखले प्रतिनिधि सभा नियमावली, २०७९ को नियम १८० बमोजिमको विधेयकमा छेडखानीबारे छानबिन समिति गठन गर्न प्रस्ताव गरेका थिए ।
सभामुख घिमिरेले समितिको टीओआर र समयावधि तथा सदस्यको नाम पनि मागेका थिए । दलहरूले नाम दिए आजै समिति गठन हुने सम्भावना रहेको जनाइएको छ ।
