काठमाडौं, ३० भाद्र । नेपाली राष्ट्रिय क्रिकेट टोलीका पूर्वकप्तान सन्दीप लामिछाने सामाजिक सञ्जालबाट हराएका छन् ।
हिजो (शनिबार) रातीदेखि लामिछानेका फेसबुक, इन्स्टाग्राम र ट्विटर (एक्स) अकाउन्ट हटेका छन् ।
लामिछाने आफै सामाजिक सञ्जालबाट बाहिरिएका हुन् वा अन्य प्राविधिक गढबढी भएको भन्ने अहिलेसम्म खुलेको छैन ।
खाता निष्कृय हुनुअघि लामिछानेको फेसबुकमा ११ लाख भन्दा बढी फलोअर्स थिए । त्यस्तै ट्विटर र इन्स्टाग्राममा पनि उनि निकै सक्रिय थिए ।
लामिछाने सामाजिक सञ्जालका प्लेटफर्मबाट हराएपछि फ्यानहरूले चिन्ता व्यक्त गरिरहेका छन् ।
