काठमाडौँ, २ भाद्र । आज नेपाली बजारमा सुनको मूल्य अहिलेसम्मकै उच्च मूल्यमा पुगेको छ ।
आइतबार सुन तोलामा ३ हजारले बढेर एक लाख ५२ हजार ६ सयमा कारोबार भएको नेपाल सुनचाँदी व्यवसायी महासंघले जनाएको छ । शुक्रबार सुनको मुल्य तोलाको १ लाख ४९ हजार ६ सय रहेको थियो ।
यसअगाडि सुनको मूल्यले तोलाको डेढ लाख (एक लाख पचास हजार) पुगेको थियो ।
त्यस्तै आज चाँदीको मूल्य पनि बढेको छ । चाँदी आज प्रतितोला ५० रुपियाँले बढेर एक हजार ८१० मा कारोबार भइरहेको महासंघले जनाएको छ ।
