काठमाडौँ, ६ भाद्र । प्रधानमन्त्री केपी शर्मा ओलीले आफूहरूलाई जनताले औँलो ठड्याउने ठाउँ नदिनेगरी काम गर्ने बताएका छन् ।
बिहीबार प्रतिनिधि सभाको बैठकमा सांसदहरूसँगको प्रश्नोत्तर कार्यक्रममा सांसदहरूको प्रश्नको जवाफ दिने क्रममा प्रधानमन्त्री ओलीले अहिलेको सरकारलाई कुनै गल्ती गर्ने छुट नभएको बताउँदै जनताले औलो ठड्याउने गरी काम नगर्ने बताएका हुन् ।
उनले भने- ‘हामीलाई कुनै गल्ती गर्ने, अथवा कुनै अन्योल सिर्जना हुनेगरी काम गर्ने, अथवा प्रतिफल नदेखिनेगरी काम गर्ने कुनै सुविधा छैन । कुनै छुट छैन ।’
उनले वर्तमान सरकार सङ्घीय लोकतान्त्रिक गणतन्त्र, संविधान र यसको कार्यान्वयनको पक्षमा स्पष्ट र दृढ रहेको स्पष्ट पारे ।
