काठमाडौँ, ५ भाद्र । आज नेपाली बजारमा सुनको मूल्यले नयाँ रेकर्ड राखेको छ । भाद्र २ गते कायम भएको सर्वाधिक मूल्यको रेकर्ड आज तोडिएको हो ।
बुधबार सुन तोलामा ८ सयले बढेर एक लाख ५३ हजारमा कारोबार भएको नेपाल सुनचाँदी व्यवसायी महासंघले जनाएको छ । यस अघि मंगलबार सुनको मुल्य १ लाख ५२ हजार २ सय रहेको थियो ।
आजको मूल्य अहिलेसम्मकै सर्वाधिक मूल्य हो । यसअगाडि भाद्र २ गते सुनको मूल्य एक लाख ५२ हजार ६०० मा कारोबार भएको थियो ।
त्यस्तै आज चाँदीको मूल्य आज प्रतितोला २५ ले बढेर १८३५ मा कारोबार भइरहेको महासंघले जनाएको छ ।
