काठमाडौँ । सामाजिक सञ्जालको प्रयोग गरेर यौन व्यवसाय सञ्चालन गर्ने गिरोहका नाइकेहरूलाई प्रहरीले पक्राउ गरेको छ ।

काठमाडौँका विभिन्न स्थानहरूलाई महानगरीय अपराध महाशाखाको टोलीले दुई जनालाई नियन्त्रणमा लिएको हो ।

पक्राउ पर्नेमा काभ्रेपलान्चोक भुम्लु गाउँपालिका-४ स्थायी घर भई हाल लाजिम्पाटमा बस्ने २७ वर्षका सुरेश कुमार श्रेष्ठ र काठमाडौँकै २७ वर्षीय सुरज खड्का रहेका छन् ।

पक्राउ परेका दुवैलाई आवश्यक कारबाहीको लागि जिल्ला प्रहरी परिसर पठाइएको महाशाखाका प्रवक्ता प्रहरी उपरीक्षक रवीन्द्र रेग्मीले जानकारी दिए ।

केही दिन अगाडि नयाँ बसपार्क र कलंकीका होटेल तथा रेस्टुराँमा नाबालिकाहरूलाई यौन कार्यमा लगाउने एक महिलालाई प्रहरीले नियन्त्रणमा लिएको थियो ।