काठमाडौँ  । चलचित्र पत्रकार संघ नेपालको झापा, इलाम र मोरङ जिल्ला शाखा गठन भएको छ ।

संघको दसौँ, ११औँ र १२ औँ शाखाको रूपमा यी शाखा गठन भएका हुन् । त्यसै गरी कोसी प्रदेशको साधारण सभाले नयाँ नेतृत्व चयन गरेको हो।

तीन जिल्ला आयोजित भेलामा सङ्घका केन्द्रीय अध्यक्ष समीर बलामी, उपाध्यक्ष कुवेर गिरी, महासचिव रघुनाथ सापकोटा तथा संघका सदस्य कुमार आचार्य लगायत उपस्थित थिए । कार्यक्रम प्रदेश अध्यक्ष नरेन्द्र बस्नेतको अध्यक्षतामा भएको हो।

इलाम शाखामा अतीत योङहाङको अध्यक्षतामा १५ सदस्यीय तदर्थ समिति गठन भएको हो । समितिको उपाध्यक्ष दुर्गेश भट्टराई, सचिव सुनिता मगर, सहसचिव तारा खाती र कोषाध्यक्षमा सरिता राई छनौट भएका छन् ।

सदस्यहरूमा एलिना गुरुङ, त्रिलोचन अधिकारी, सुशील मोरोहाङ, सुनिल शङ्कर, केशव भट्टराई, मिलन मुखिया, उमेश लिम्बू, रोशन काफ्ले, सृष्टि कुरूम्बाङ रहेका छन् ।

भेलाले तीन सदस्यीय प्रदेश प्रतिनिधिसमेत छनौट गरेको छ । सोम सुनुवार, सृजना श्रेष्ठ र काकीराम लावती (आन्छुमे नसान) छनौट भएका छन् ।

त्यस्तै झापा शाखाको अध्यक्षमा रमेश तिवारी चयन भएका छन् । १५ सदस्यीय छानिएको कार्यसमितिमा समीर सुवेदी उपाध्यक्ष, सचिव एकराज प्रधान, सहसचिव सुरज प्रधान कोषाध्यक्ष शुभला तामाङ र सदस्यहरूमा सन्तोष न्यौपाने, उद्धव पुरी, निराजन निरौला, सुनिता तामाङ, अस्मिता सांखी, दिपेन भेटवाल, सन्तोष शर्मा, अभिषेक धमला, नगेन्द्र नेपाल र रवि किरण वान्तवा रहेका छन् ।

चलचित्र पत्रकार संघ नेपालको मोरङ शाखामा प्रेम देवानको अध्यक्षतामा १५ सदस्यीय तदर्थ समिति गठन भएको हो । समितिको उपाध्यक्ष हुसेन सेख, सचिव सन्तोष बास्तोला, सहसचिव निरोज मल्ल, कोषाध्यक्ष सरिता कर्माकार तथा सदस्यहरू अपरोज हवारी,कप्लेस यादव, एलिसा रायमाझी, दिपेश रोक्का, अफ्ताप अली चयन भएका छन्।

चलचित्र पत्रकार संघ नेपाल कोसी प्रदेश शाखाको विशेष साधारण सभाबाट अध्यक्ष सन्जु राईको टिम निर्विरोध निर्वाचित भएको छ।

कार्यसमितिमा वीरेन्द्र कुमार शाह उपाध्यक्ष, सुवास संकल्प सचिव,बिकल श्रेष्ठ सहसचिव, रश्मि थापा कोषाध्यक्ष र सदस्यहरू तुलसी प्रसाद निरौला,निशान कँडेल, गोपाल काफ्ले, सोम सुनुवार, सृजना श्रेष्ठ, आन्छुमे नसान (लावती) निर्वाचित भएका छन्। 

नवनिर्वाचित कार्यसमितिले अन्य केही सदस्यहरू मनोनयन गर्ने निर्णय गरेको छ।