काठमाडौं । प्रधानमन्त्री पुष्पकमल दाहाल `प्रचण्ड´ की जीवनसंगिनी सीता दाहालको पार्थिव शरीरलाई श्रद्धाञ्जली दिनको नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ र खड्गबहादुर विश्वकर्मा ‘प्रकाण्ड’ पुगेका छन् ।
माओवादी केन्द्रका सल्लाहकार समेत रहेकी दाहालको पार्थिव शरीर श्रद्धाञ्जलीका लागि ११ बजेदेखि १ बजेसम्म पार्टी केन्द्रीय कार्यालय पेरिसडाँडा, कोटेश्वरमा राखिएको छ ।
उनलाई श्रद्धान्जली दिनको लागि विभिन्न दलका शीर्ष नेताहरू कोटेश्वर पुगेका छन् । केही नेताहरू भने नर्भिक अस्पताल नै पुगेका थिए ।
दाहालको आज बिहान ८:३३ बजे काठमाडौँको थापाथलीस्थित नर्भिक अस्पतालमा निधन भएको हो ।
उनी पार्किन्सन जस्तो देखिने एक प्रकारको जटिल रोगबाट पीडित थिइन् । यसअघि पनि उनलाई पटक-पटक देश तथा विदेशका अस्पतालमा भर्ना गरेर उपचार गरिएको थियो ।
प्रधानमन्त्रीको सचिवालयका अनुसार दाहालको २ बजे पशुपति आर्यघाटमा दाहालको अन्तिम संस्कार गरिने भएको छ ।
हेरौं तस्बिरहरू