भक्तपुर । मोटरसाइकलमा सालकको खपेटा लिएर हिँडिरहेको अवस्थामा प्रहरीले दुई जनालाई पक्राउ गरेको छ ।
यसरी पक्राउ पर्नेमा हेटौडा उपमहानगरपालिका-३ घर भई भक्तपुरको चाँगुनारायण नगरपालिका-२ मा बस्ने बर्ष २२ को आसुतोष थपलिया र सिन्धुपाल्चोक त्रिपुरासुन्दरी गाँउपालिका-२ घर भई हाल नगरपालिका-२ मा बस्ने बर्ष २६ को अमृत गजमेर रहेको प्रहरी परिसर भक्तपुरका प्रवक्ता डिएसपी बसन्त पाठकले बताए ।
प्रहरी आज दिँउसो बाग्मती प्रदेश ०२-०२० प. ८४९७ नम्बरको केटिएम ड्युक मोटरसाईकलमा अन्दाजी एक केजी बराबरको सालकको खपटा लिएर हिँडिरहेको अवस्थामा चाँगुनारायण नगरपालिका-२ बर्खेबाट पक्राउ गरेको हो ।
पक्राउ परेका दुई युवालाई हाल प्रहरी परिसर भक्तपुरमा राखिएको र थप अनुसन्धानको लागि डिभिजन वन कार्यालय भक्तपुरमा पठाइने डिएसपी पाठकले बताए ।